मोरङ्ग – मोरङ्गको रङ्गेली नगरपालिका ७ स्थित रङ्गेली अस्पतालमा नेपालकै दोस्रो ढल (शौचालयबाट निस्किने मलमुत्र) प्रशोधन गर्ने जापानिज प्रविधिको सफलतापूर्वक परीक्षण पछि शुभारम्भ गरेको छ।
शुक्रवार रङ्गेली नगर प्रमुख दिलिप बगडिया तथा नगरका विभिन्न जनप्रतिनिधि र पदाधिकारीहरूले उपस्थितिमा उक्त प्रविधिको शुभारम्भ गर्नुभएको छ। यस प्रविधिबाट अस्पताल बाट निस्किएका ढल लाई चरणबद्ध रुपमा प्रशोधित गरी शुद्ध सफा र गन्धमुक्त पानीमा परिणत गर्न सकिन्छ ।
रङ्गेलीबाट ढलका रूपबाट निस्किएका विभिन्न फोहोरहरूलाई प्रसधन गरेर सफा र स्वच्छ नगर बनाउने उद्देश्यले यो प्रविधिको परीक्षण स्वरूप हाल रङ्गेली अस्पतालमा जडान गरेका छौँ। यदि यो प्रविधिले अस्पतालको ढल फोरलाई लामो समयसम्म शुद्ध गरेर उपयोगी सफा पानीमा परिणत गर्न सक्छ भने हामीले यस प्रविधिलाई नगरका अन्य आवश्यक ठाउँहरूमा पनि जडान गर्नेछौं। जसले विभिन्न क्षेत्रहरूबाट निस्किएका ढलहरूलाई डाइरेक्ट माटोमुनि वा खोलानालामा मिसाउनुको साटो प्रसोधित भएर मात्र खोला वा नालातिर बगाउनेछ यसले ढल दुर्गन्ध र फोहोरले हुने विभिन्न प्रकारका रोग इत्यादि नियन्त्रणमा आउने विश्वास रहेको छ भन्ने नगरप्रमुख बगडियाले जानकारी दिए ।
जापानिज प्रविधिको ढल प्रसोधन गर्ने प्रविधि कस्तो छ।
जापानमा विकास गरिएको सेप्टिक ट्यांकी प्रणाली नेपालमा पनि प्रयोगमा आएको छ। यो प्रविधिले घरायसी वा साना बस्तीको ढललाई तीन चरणमा सफा गर्छ।
१. पहिलो चरणमा ठूला फोहर अलग गरिन्छ।
२. दोस्रो चरणमा जीवाणुहरूको मद्दतले पानी सफा गरिन्छ।
३. तेस्रो चरणमा पानीलाई फिल्टर गरी सुरक्षित बनाइन्छ।
यस प्रविधिले पानीलाई प्रदूषण कम गर्ने र भूमिगत जल स्रोतलाई सुरक्षित राख्ने काम गर्छ।
यो प्रविधि मोरङ्गको रङ्गेली नगरपालिकामा नेपालकै दोस्रो हो भने पहिलो काठमाडौँ महानगरपालिकाले यस प्रविधि अपनाएर आफ्नो क्षेत्रमा ढल प्रशोधन गरिरहेको छ जसले वातावरण संरक्षणमा ठूलो सहयोग पुर्याउँछ।