देव नारायण शर्मा
विराटनगर, ६ असार
कोशी प्रदेश पर्यटन वर्ष २०८२ को अवसर पारेर पत्रकारहरूको क्षमता अभिवृद्धि गर्ने उद्देश्यले पर्यटन पत्रकारिता तालिम सुरु गरिएको छ।
नेपाल पत्रकार महासङ्घ मोरङको आयोजनामा तथा धरान, सुनसरीस्थित पर्यटन कार्यालयको सहकार्यमा सुरु भएको सो तालिममा प्रदेशभरिबाट सहभागी पत्रकारहरूलाई पर्यटन क्षेत्रको महत्व, प्रवर्द्धन विधि तथा उत्तरदायी पत्रकारिताका विषयमा प्रशिक्षण दिइनेछ।
कार्यक्रमको उद्घाटन सत्रमा बोल्दै आयोजक संस्थाका प्रतिनिधिहरूले पर्यटन क्षेत्रको विकासमा सञ्चारकर्मीहरूको भूमिका महत्त्वपूर्ण हुने भएकाले यस्तो तालिमले व्यावसायिक दक्षता बढाउने विश्वास व्यक्त गरेका थिए। प्रशिक्षकहरूले पर्यटन पत्रकारिताको सिद्धान्त, समाचार लेखन शैली, सामग्रीको प्रस्तुति, र डिजिटल माध्यमको प्रयोग सम्बन्धी प्रशिक्षण दिनेछन्।
तालिममा सहभागी पत्रकारहरूले यस्तो कार्यक्रमले उनीहरूको ज्ञान र कार्यदक्षता अभिवृद्धिमा ठुलो टेवा पुग्ने प्रतिक्रिया दिएका छन्।
