एजेन्सी – अमेरिकी निजी अन्तरिक्ष कम्पनी स्पेसएक्स ले शुक्रबार २४ वटा स्टारलिङ्ग स्याटेलाइट सफलतापूर्वक कक्षमा पठाएको छ।
स्पेसएक्सका अनुसार यी स्याटेलाइटहरू ‘फाल्कन–९’ रकेट मार्फत क्यालिफोर्नियाको भ्याण्डेनबर्ग स्पेस फोर्स बेसबाट बिहान १०ः०४ बजे (स्थानीय समय) प्रक्षेपण गरिएको हो।
‘फाल्कन–९’ रकेट पुनःप्रयोग गर्न मिल्ने प्रकारको हो र यसले पृथ्वीको कक्षा र त्यसभन्दा परका गन्तव्यहरूमा सामग्री पुर्याउन प्रयोग गरिन्छ। यसको पहिलो चरण (बुस्टर) भागलाई सफलतापूर्वक पृथ्वीमा फर्काएर फेरि प्रयोग गर्न सकिन्छ, जसले प्रक्षेपण खर्च उल्लेख्य रूपमा घटाउँछ।
स्पेसएक्सका अनुसार, स्टारलिङ्ग परियोजनाले ती क्षेत्रहरूमा उच्च गतिको इन्टरनेट सेवा प्रदान गर्ने लक्ष्य राखेको छ, जहाँ हालसम्म इन्टरनेट पहुँच अस्थिर, महँगो वा उपलब्ध छैन।