राम शर्मा | शुक्रवार ३० श्रावन
प्रेस चौतारी विराटनगर महानगर कमिटीको नयाँ नेतृत्व चयन गरिएको छ। शुक्रबार विराटनगरमा सम्पन्न भेलाले निशान्त ढुङ्गानाको अध्यक्षतामा सात सदस्यीय कमिटी गठन गरेको हो।
नवगठित कमिटीमा उपाध्यक्षमा रश्मी थापा, सचिवमा रोशन पोखरेल, कोषाध्यक्षमा सम्झना कार्की र सदस्यहरूमा सुजाता राई, राम खत्री तथा काजल देव रहेका छन्। यसबारे जानकारी प्रेस चौतारी मोरङ अध्यक्ष चीना थापाले दिएका हुन्।
गठन कार्यक्रममा एमाले केन्द्रीय सदस्य तथा मोरङ इन्चार्ज जीवन घिमिरे, प्रेस चौतारी नेपालका केन्द्रीय सचिव विक्रम लुइँटेल, कोशी अध्यक्ष सुमन पुरी, एमाले मोरङ उपसचिव तथा प्रचार विभाग प्रमुख सन्तोष बान्तवा, एमाले महानगर कमिटी सचिव विज्ञान शर्मा लगायतको उपस्थिति रहेको थियो।